Ұсынылып отырған пән «журналистика» мамандығы бойынша білім алатын университет студенттеріне журналистің құқықтарын, міндеттері мен жауапкершілігін айқындайтын Қазақстан Республикасының қолданыстағы БАҚ туралы заңнамасы туралы жүйелі білім беруге арналған. Оқытылатын пән ҚР «БАҚ туралы» Заңына, БАҚ-тың қоғам алдындағы жауапкершілігі туралы, бұқаралық ақпарат бостандығын асыра пайдалануға жол бермеу туралы және бұқаралық ақпарат бостандығына қол сұғушылық үшін жауапкершілік туралы басқа да заңдар мен нормативтік құқықтық актілерге негізделеді. Бұқаралық ақпарат құралдары саласындағы құқықтық қатынастар жөніндегі білім бұқаралық коммуникацияға қатысты қоғаммен байланыс, медиаменеджмент, цифрлық сауаттылық, тағы басқа мамандықтар бойынша білім алатын студенттерге қажет.