Назарларыңызға 2026 жылдың екінші тоқсанындағы Қазақстандағы журналистер мен бұқаралық ақпарат құралдарының құқықтарына қатысты ахуалға жасалған шолуды ұсынамыз.
Бұл шығарылымда журналистерге құқықтық қысым көрсету, олардың кәсіби қызметіне кедергі келтіру, ақпаратқа қол жеткізуді шектеу, цифрлық шабуылдар мен интернет-цензураның елеулі жағдайлары, сондай-ақ елдегі сөз бостандығының жай-күйіне ықпал етуі мүмкін заңнамадағы өзгерістер мен жария бастамалар қамтылған.
Заңнаманы либерализациялау және пікір білдіру бостандығын қорғау тетіктерін жетілдіру қажеттігі жөніндегі қоғамдық талқылауларға қарамастан, журналистік қауымдастық әлі де көптеген сын-қатерге тап болып отыр. Олардың қатарында қылмыстық және азаматтық-құқықтық қудалау, қоғамдық маңызы бар ақпаратқа қол жеткізудің шектелуі, журналистердің іс-шаралар мен сот процестеріне қатысуына кедергі келтіру жағдайлары, сондай-ақ цифрлық платформалар арқылы жасалатын қысым бар.
Мониторинг ашық ақпарат көздеріндегі мәліметтерге, бұқаралық ақпарат құралдарының жарияланымдарына, мемлекеттік органдардың ресми мәлімдемелеріне, сондай-ақ журналистер мен редакциялардың хабарламаларына негізделген.